ԱՄՆ-ի բանակը սկսել է հակատանկային նոր Griffin B հրթիռի փորձարկումը: Griffin B-ն պետք է փոխարինի ավելի ծանր և թանկարժեք Javelin-ին` հաղորդում է Strategy Page պարբերականը:
Փորձարկման արդյունքներից ելնելով որոշում կկայացվի Griffin A ավիացիոն հրթիռի հիմքի վրա ստեղծված Griffin B-ն ցամաքային զորքերի սպառազինության տակ առնելու վերաբերյալ:
Griffin B հրթիռի քաշը 20,5 կգ է: Հրթիռիը համալրվում է կամ բեկորա-ֆուգասային կամ կումուլիատիվ` 5,9 կգ քաշով մարտագլխիկով:
Մեկնարկից հետո բացվում են Griffin B-ի փոքր թևերը, ինչը հնարավորություն է տալիս 5,6 կմ հեռավորության վրա թիրախներ խոցել: Հրթիռի ուղղորդումը հնարավոր է ինչպես լազերային ճառագայթով, այնպես էլ GPS կամ այլ տեղորոշման համակարգերով:
Նոր հակատանկային համակարգը 6 հրթիռներ ներառող արձակման կայան ունի, որը և մեկական և համազարկային կրակի հնարավորություն է տալիս:
Համեմատության համար նշենք, որ ներկայում կիրառվող Javelin-ը 22,3 կգ քաշ ունի, մարտագլխիկը 8,2 կգ: Թիրախներ խոցելու հեռավորությունը 2,5 կմ է:
Tert.am
Մեկնաբանություններ նյութին: 0