Բրազիլիայի հյուսիսային Մարանյաո նահանգում երկնքից 30 կգ-ոց մետաղական գունդ է ընկել: Ինչպես հաղորդում է vz.ru-ն` վկայակոչելով բրազիլական լրատվամիջոցների տեղեկությունները, նահանգի Անապուրուս փոքր քաղաքի բնակիչները պատմել են, որ ուժեղ դղրդյուն են լսել, որին հաջորդել է երկրաշարժի նմանվող հարված: Այնուհետև տներից մեկի բակում հայտնաբերվել է մոտ մեկ մետրանոց փոս, որի մեջ գտնվել է մետաղական գունդ:
Դեպքի վայր ժամանած ոստիկաններն ու փրկարարները չեն կարողացել որոշել, թե ինչ կարող է դա լինել:
Բրազիլիայի տիեզերական հետազոտությունների ինստիտուտի (Inpe) մասնագետների կարծիքով` այն կարող է լինել արբանյակից պոկված մի մասնիկ:
Բարեբախտաբար, գնդի` Երկրի վրա ընկնելու հետևանքով մարդ չի տուժել:
Tert.am
Մեկնաբանություններ նյութին: 0