Գիտնականները գտել են ապացույցներ, որոնք վկայում են, որ Մարսի վրա օվկիանոս է եղել: Գրենոբլի աստղաֆիզիկայի ինստիտուտի (IPAG) եւ Իրվինում Կալիֆոռնիայի համալսարանի (UCI) մասնագետները վերլուծել են Mars Express եվրոպական տիեզերական սարքավորումից երկու տարվա ընթացքում ստացված տվյալները:
Հաստատվել է, որ հյուսիսային լայնության վրա գտնվող հարթավայրի գրունտը ոչ ամուր նյութ է: Ըստ գիտնականների` դրանք նստվածքաշերտեր են, ինչը վկայում է, որ նախկինում այդ տարածքում օվկիանոս է եղել:
Ենթադրվում է, որ Կրամիր մոլորակի պատմության մեջ առնվազն երկու օվկիանոս է եղել: Առաջինը` 4 մլրդ տարի առաջ, երկրորդը` 3 մլրդ տարի առաջ, երբ գեոթերմալ ակտիվության արդյունքում սառույցը հալվել է, եւ ջուրը ստորերկրյա ուղիներով լցվել է գոգավորությունները` միասնական օվկիանոսային տարածք ստեղծելով:
Օվկիանոսը գոյություն է ունեցել ոչ ավելի, քան մեկ միլիոն տարի, տեղեկացնում է «Վեստին»:
Մեկնաբանություններ նյութին: 0