Ռուսական «Կասպերսկու լաբորատորիա» հանրահայտ ընկերության փորձագետները կազմել են ինտերնետ սերֆինգի (համացանցում թափառելու) համար ամենավտանգավոր երկրների ամենամյա վարկանշային աղյուսակը:
Ինչպես տեղեկանում ենք ռուսական լրատվամիջոցներից, վարկանշային աղյուսակում, ընդհանուր առմամբ, 20 երկիր է ընդգրկված, որոնց շարքում Հայաստանը 4-րդ հորիզոնականն է զբաղեցնում. 2011թ. ընթացքում համացանցից օգտվելու ժամանակ կիբերհարձակման է ենթարկվել հայաստանցի եզակի օգտատերի 49. 6 տոկոսը:
Վարկանշային աղյուսակում առաջին հորիզոնականը Ռուսաստանն է զբաղեցնում (55,9 տոկոս ցուցանիշով), երկրորդում Օմանն է (54,8 տոկոս ցուցանիշով), երրորդում` ԱՄՆ-ը (50,1 տոկոս):
Հայաստանի հարևան երկրներից ցանկում նաև Ադրբեջանն է ներառված, որը 47,5 տոկոս ցուցանիշով 6-րդ հորիզոնականն է զբաղեցնում:
Tert.am
Մեկնաբանություններ նյութին: 0