Թուրքիայի ազգային կրթության նախարարությունը թվային ուսուցման պիլոտային ծրագրում ընդգրկել է նաեւ Ստամբուլի հայկական Եսայան վարժարանը։
Թուրքական Zaman-ի փոխանցմամբ՝ Թուրքիայի ազգային կրթության նախարարությունը Թուրքիայի տարբեր քաղաքներում գտնվող 52 դպրոցների բաժանելու է 12 հազար պլանշետային համակարգիչներ, ինչպես նաեւ թվային գրատախտակներ։ Համակարգիչների մեջ բեռնվել են 9-րդ դասարանի համար նախատեսված բոլոր դասագրքերը։ Այդ պլանշետային համակարգիչներով աշակերտները կարող են ինտերնետ մտնել թե’ դպրոցում, թե’ տանը։
Նախագծի մեջ հայտնված 52 դպրոցների մեջ է մտնում Ստամբուլի հայկական Եսայան մասնավոր վարժարանը։
Մեկնաբանություններ նյութին: 0