ՀՀ կրթության, գիտության, մշակույթի և սպորտի նախարար Արայիկ Հարությունյանի հրամանով հաստատվել է հանրակրթական ուսումնական հաստատության ղեկավարման իրավունք (հավաստագիր) ստանալու համար վերապատրաստումներ իրականացնող կազմակերպությունների ցանկը:
Հրամանի համար հիմք է հանդիսացել կազմակերպությունների ընտրության նպատակով ստեղծված մրցութային հանձնաժողովի եզրակացությունը: Մրցույթին մասնակցելու համար դիմել է 8 կազմակերպություն, որոնցից բոլորն էլ հաղթահարել են մրցութային շեմը: Վերապատրաստումների իրականացման համար երաշխավորված կազմակերպություններն են.
«Շիրակի Մ. Նալբանդյանի անվան պետական համալսարան» հիմնադրամ,
«Կրթություն առանց սահմանի» ՀԿ,
«Մանկավարժական նախաձեռնություն» հայկական ասոցիացիա ՀԿ,
«Հույս և ապագա» երեխաների աջակցության և զարգացման բարեգործական ՀԿ,
«Գորիսի պետական համալսարան» ՊՈԱԿ,
«Երևանի Լեոյի անվան թիվ 65 ավագ դպրոց» ՊՈԱԿ,
«Եվրոպական համալսարան» հիմնադրամ,
«Կրթություն և գործունեություն» սոցիալ-բարեգործական, կրթամշակութային հիմնադրամ:
Մեկնաբանություններ նյութին: 0