Բովանդակություն

Ներածություն……………………………………………………………. 3
Գլուխ 1. Բանկային կառավարման էությունը եւ դերը ժամանակակից տնտեսության մեջ
1.1     Բանկային համակարգի էությունը և բնորոշ առանձնահատկությունները……… 4
1.2     Բանկային կառավարման հիմնական դրույթները………………………………….. 9
Գլուխ 2. Բանկային համակարգը ՀՀ տնտեսության մեջ
2.1 Բանկային համակարգը որպես ՀՀ տնտեսության կարեւորագույն ոլորտներից մեկը…………………………………………………………………………………………… 14
2.2 Բանկային կառավարման ժամանակակից պատկերը ՀՀ տնտեսությունում……. 22
Եզրակացություն………………………………………………………………. 28
Օգտագործված գրականության ցանկ……………………………………… 30
Հավելվածներ………………………………………………………………….. 31

Ներածություն

Բանկային համակարգը  հանդիսանում է ցանկացած տնտեսության ամենակարևոր հատվածներից մեկը, որի բնականոն գործունեությունը վճռորոշ ազդեցություն ունի տնտեսության զարգացման վրա: Միաժամանակ բանկերը դասվում են հասարակության համար ամենավտանգավոր ինստիտուտների շարքին, քանի որ հասարակության դրամական միջոցների հոսքը հիմնականում իրականացվում է բանկային համակարգի կառույցների միջոցով, ուստի մի կողմից անհրաժեշտություն է առաջանում ուժեղացնել պետության վերահսկողությունը բանկային համակարգի կայունության, հուսալիության և անխափան գործունեության նկատմամբ, մյուս կողմից ռացիոնալ գործունեության համար բանկի ներսում անհրաժեշտ է ունենալ ձևավորված կազմակերպական կառուցվածք, մշակված կառավարման համակարգ, գիտակ ղեկավար մարմիններ և հստակ զարգացման ռազմավարություն:     
ՀՀ բանկային համակարգի զարգացման և կատարելագործման, ինչպես նաև դրան միջազգային չափանիշներին աստիճանաբար հասցնելու նպատակով, ՀՀ Ազգային Ժողովի կողմից կան ընդունված մի շարք օրենքներ. ՀՀ օրենքը  «Բանկերի ու բանկային գործունեության մասին», ՀՀ օրենքը «Կենտրոնական բանկի մասին» և այլն: