Տնտեսական կյանքում վարկային հարաբերություններն իրականացվում են բանկային համակարգի միջոցով: Բանկերը այնպիսի տնտեսական կառույցներ են, որոնց հիմնական գործունեությունը ազատ դրամական միջոցների հավաքագրումն է, վարկերի տրամադրումը, դրամական հաշվարկների կատարումը, թղթադրամների և տարբեր արժեթղթերի թողարկումը:
□Բանկ□ տերմինը ծագել է իտալերեն □banca□ բառից, որը նշանակում է դրամական սեղան, դրամափողի նստարան: Բանկերը ծագել և զարգացել են ապրանքա-դրամային հարաբերությունների պայմաններում: Սկզբնական շրջանում բանկերը կատարում էին միջնորդի դեր՝ վճարումների և վարկերի տրամադրելու համար: Ազատ դրամական միջոցների տերերի և դրանց նկատմամբ պահանջարկ ունեցողների միջև ձևավորվող ուղղակի հարաբերությունները հետզհետե ավելի էին բարդանում: