Ամբողջական պահանջարկի և առաջարկի հարաբերակցությունը (AD-AS), ազգային տնտեսության հավասարակշռությունը

Ամբողջական առաջարկի և ամբողջական պահանջարկի մոդելը մակրոտնտեսագիտության մեջ հանդիսանում է բազային թողարկման, սպառման ծավալների տատանումների և գների մակարդակների միջև կապը ուսումնասիրող, ինչպես նաև դրանց փոփոխությունների պատճառների ու հետևանքների վերլուծության գործընթացում կարևորագույն գործոն: 
Ամբողջական պահանջարկը իրենից ներկայացնում է վերջնական ապրանքների ու ծառայությունների վրա կատարված բոլոր ծախսերի հանրագումարը ամբողջական մասշտաբով:
Այլ հավասար պայմաններում համախառն պահանջարկի աճը խթանում է թողարկաման ծավալի և զբաղվածության աճինª միևնույն ժամանակ նպաստելով որոշակի մակարդակի գնաճի: Այդպիսի տնտեսական քաղաքականություն է որդեգրել ԱՄՆ-ի կառավարությունը 1929-1933թթ. մեծ ճգնաժամի հետևանքները վերացնելու համար: Եթե տնտեսությունը գտնվում է լրիվ զբաղվածության մոտ մակարդակում, ապա համախառն պահանջարկի աճը ավելի շատ կնպաստի գնաճին, քան թողարկման ծավալի աճին: