Հանրային բարիքների գնահատման մոտեցումները

Բնական ռեսուրսների և բնական ծառայությունների տնտեսական արժեքավորության համար գոյություն ունեն մի շարք մոտեցումներ, որոնք այս կամ այն չափով գնահատում են բնական բարիքները: Դրանցից կարելի է առանձնացնել ծախսային մեթոդը, ռենտային մոտեցումը, վերարտադրական մոտեցումը, ընդհանուր տնտեսական արժեքավորության գնահատականը, այլ ընտրանքային արժեքի մոտեցումը, շուկայական գնահատականը, էքսպերտային գնահատականը և այլն:
Այս մոտեցումներից բոլորը չեն, որ հստակ արտահայտում են բնական բարիքների տնտեսական գնահատականը. դրանցից շատերում կան հակասական պահեր, այնուամենայնիվ դրանք հնարավորություն են տալիս սահմանել այս կամ այն բարիքի տնտեսական արժեքավորության գնահատականը: