Գործազրկության գլխավոր ՙգինը՚ դա չթողարկված արտադրանքն է: Երբ տնտեսությունը ի վիճակի չէ ստեղծելու աշխատատեղերի բավարար քանակ բոլոր նրանց համար, ովքեր ուզում են կամ կարող են աշխատել, ապրանքների և ծառայությունների պոտենցիալ արտադրությունը կորչում է անվերադարձ: Գործազրկությունը խանգարում է հասարակությանը շարժվել վեր իր հնարավորությունների կորով: Տնտեսագետները համարում են այդ կորցրած արտադրանքը որպես ՀԱԱ-ի արտադրանքի նվազում: Այդ նվազումը իրենից ներկայացնում է փաստացի և պոտենցիալ ՀԱԱ-ի տարբերություն: Պոտենցիալ ՀԱԱ-ն որոշվում էª ելնելով այն ենթադրությունից, որ տնտեսական աճի ՙնորմալ՚ տեմպերի պայմաններում գոյություն ունի գործազրկության բնական մակարդակ: