Թարգմանաբանությունը որպես գիտություն,հիմնախնդիրները և նպատակները: Թարգմանության հասկացությունը, տարբեր սահմանումներ

Ժամանակակից լեզվաբանության կարևորագույն խնդիրներից մեկը միջլեզվական խոսքային գործունեության՝ ջարգմանության լեզվաբանական կողմի ուսումնասիրությունն է: Թարգմանությունն անշուշտ մարդկային գործունեության հնագույն ձևերից է: Այն պահից սկսած, երբ մարդկության պատմության մեջ ձևավորվեցին տարբեր լեզուներով խոսող մարդկանց խմբավորումներ, հայտնվեցին , այսպես կոչված, երկլեզու մարդիկ, որոնք հնարավոր  էին դարձնում հաղորդակցությունը այլալեզու խմբրի միջև: Գրի առաջացմանը զուգընթաց այդպիսի բանավոր թարգմանիչներին միացան նաև գրավոր թարգմանիչներ, որոնք թարգմանում էին պաշտոնական, գործնական, կրոնականև և այլ բնույթի խոսքային տեքստեր: