Դեբիտորական պարտքերի գերակշիռ մասը կազմակերպություններում գոյանում է արտադրանքի, ապրանքների ապառիկ վաճառքից, երբ գնորդների կողմից կատարվելիք վճարումները ժամանակագրական առումով հետ են ընկնում առաքումներից կամ ծառայությունների մատուցումից: Համաձայն ՙԿազմակերպությունների (բացառությամբ բանկերի) դեբիտորական պարտքերի հնարավոր կորուստների պահուստի ձևավորման, դեբիտորական ու կրեդիտորական պարտքերի անհուսալի ճանաչման և դուրս գրման կարգը հաստատելու մասին՚ ՀՀ կառավարության 19 դեկտեմբերի 2002թ. որոշման 3 –րդ կետի սահմանվում է, որ դեբիտորական պարտքը կազմակերպությանն այլ անձանց  (կազմակերպությունների) կողմից վճարման ենթակա (այլ ձևավ հատուցման) պարտքի գումարն է: