ԱՄՆ Կանզաս սիթիի դպրոցներից մեկում, քիմիայի սովորական դասի ժամանակ տասնամյա Քլեր Լեյզեն նոր քիմիական նյութ է հայտնաբերել, որը մինչ այժմ անհայտ է եղել քիմիկոսներին:Ինչպես փոխանցում է «ՌԻԱ Նովոստին», կատարելով մոլեկուլների հավաքման հանձնարարությունը, աղջնակին հաջողվել է ստանալ ինչ-որ նոր բան, որը նրա ուսուցիչ Քենեթ Բերին տարօրինակ է թվացել:
Այդ մոդելը բաղկացած է ազոտից, թթվածնից եւ ածխածնից:Ուսուցիչը իր ընկերոջը` քիմիկոս, պրոֆեսոր Բոբ Զելներին է ուղարկել տարօրինակ մոդելի լուսանկարը, սակայն, պրոֆեսորը եւս չի կարողացել միանգամից պատասխանել` հայտնի է արդյոք քիմիկոսներին այն, թե ոչ:Գիտնականն ուսումնասիրել է տվյալների բազան, որտեղ պահվում են քիմիայի վերաբերյալ գիտական աշխատանքներ` դեռեւս 1904 թ-ից, եւ միայն մեկ հոդված է գտել, որտեղ հիշատակվում է այդ նյութը` տետրանիտրատոքսիկարբոնը: Սակայն աշակերտուհու մոտ ատոմները տարբեր կերպ են դասավորված եղել, հետեւաբար, այդ մոլեկուլի քիմիական յուրահատկությունն էլ պետք է այլ լինի:Զելները եկել է այն եզրահանգման, որ այդ նյութը կարող է օգտագործվել էներգիայի պահպանման համար: Այն պարունակում է ատոմների այնպիսի խմբեր, ինչպես նիտրոգլիցիրինը` հզոր պայթուցիկ է:
Հնարավոր է, Քլերը հայտնաբերել է պայթուցիկի նոր տեսակ կամ էլ ինչ-որ այլ բան: Գիտնականը նոր նյութի մասին հոդվածն ուղարկել է Computational and Theoretical Chemistry-ին: Արդյունքում տասնամյա Քլեր Լեյզենը դարձել է գիտական հոդվածի համահեղինակ:
Մեկնաբանություններ նյութին: 0