ԱՄՆ-ի արդարադատության նախարարությանն հակամենաշնորհային հանձնաժողովը հավանություն է տվել Google համացանցային ընկերության Motorola Mobility բջջային էլեկտրոնիկայի գնման գործարքին:
Google-ը անցյալ տարվա օգոստոսի 15-ին հայտարարել էր Motorola Mobility-ն 12,5 միլիոն դոլարով գնելու մասին: Գործարքի հավանությունը երկուսի համար էլ շուկայում դրա կարեւոր եզրափակիչ քայլերից է: Փետրվարի 13-ին Google-ը եւ Motorola-ն միաձուլվելու համաձայնություն ստացան Եվրոպական հանձնաժողովից:
Motorola-ն Google-ի մշակած Android օպերացիոն համակարգ ունեցող բջջային սարքավորումների համաշխարահային խոշորագույն արտադրողներից է: Գնման շնորհիվ Google-ը նախատեսում է ավելի հզորացնել Android-ի էկոհամակարգը եւ բարձրացնել նրա մրցունակությունը:
Google-ի հայտարարությունն իր պատմության մեջ ամենախոշոր գնման մասին խառնաշփոթ է առաջացրել բջջային տեխնիկայի ոլորտում: Android-սարքերն այսօր ամբողջ աշխարհում սմարթֆոնների առաջատարն են, իսկ դրա գլխավոր մրցակիցը փորձագետները Apple iOS համակարգն են համարում:
Google-ը եւ Motorola-ն գործարքը կնքելու համար արդեն ստացել են բաժնետերերի, ինչպես նաեւ Թուրքիայի եւ Ռուսաստանի հակամենաշնորհային մարմինների համաձայնությունը: Այժմ ընկերութոյւնները սպասում են Կանադայի, Չինաստանի, Իսրայելի եւ Թայվանի կարգավորողներին, գրում է «ՌԻԱ Նովոստին»:
Մեկնաբանություններ նյութին: 0