Հաբբլ տելեսկոպը  փետրվարի 3-ին սենսացիոն նկարահանումներ է փոխանցել Երկիր, որոնք աստղագետների շրջանում խանդավառություն են առաջացրել. լուսանկարներում պատկերված է մեր գալակտիկայի` Հարդագողի ճանապարհի ճշգրիտ նմանակը:

Ինչպես փոխանցում է «Կոմսոմոլսկայա պրավդան», լուսանկարներում NGC 1073 գալակտիկան է, որը գտնվում է Երկրից 55 մլն լուսային տարվա վրա Կետի համաստեղությունում:Ըստ գիտականների` մեր գալակտիկական տան նմանակը թույլ կտա ավելի շատ իմանալ Հարդագողի ճանապարհի մասին, որը մենք տեսնում ենք միայն ներսից:Առայժմ ոչ մի հիպոթեզ չկա, թե ինչպես կարող է տարածության եւ ժամանակի մեջ ձեւավորվել երկու հայելային գալակտիկա: