Գերմանացի գիտնականները Մադագասկարում շատ փոքր քամելեոն են հայտնաբերել, որի երկարությունը չի գերազանցում 29 մմ-ն, հաղորդում է ИТАР-ТАСС-ը:

Brookesia micra կոչվող նոր տեսակի սողունի բնակության արեալը շատ սահմանափակ է: Հետազոտողները մտավախություն ունեն, որ այդ մողեսների գոյությունը խիստ վտանգված է, և նրանց բնակության տարածք նույնիսկ աննշան ներխուժումը կարող է մեծ սպառնալիք հանդիսանալ:

«Ցերեկային ժամերին նրանք թաքնված են «ներքնակի» տակ, բայց երեկոյան հայտնվում են գետնի մակերեսին, և այդ ժամանակ նրանց հնարավոր է նկատել», - պատմել է հետազոտական խմբի ղեկավար Ֆրենկ Կլոն` բացատրելով, որ Brookesia micra-ն ծառի տերևների վրա է բարձրանում քնելու համար: