Ճապոնական ֆիզիկոսներն ստեղծել են օպերատիվ օպտիկական հիշողություն, որը ոչ միայն ավելի արագ է իր ժամանակակից «հակառակորդներից», այլեւ նշանակալի տնտեսող է նրանց համեմատ:
Ինչպես հաղորդում է «ՌԻԱ Նովոստին», Կանագավա (Ճապոնիա) քաղաքի NTT ընկերության հիմնական հետազոտությունների լաբորատորիայում Կենգո Նոձակիի ղեկավարության ներքո մի խումբ գիտնականներ ստեղծել են գերտնտեսող օպտիկական հիշողություն` ինդիումի, գալիումի, մկնդեղի եւ ֆոսֆորի խառնուրդի հիման վրա:
Ֆոտոբյուրեղները պինդ մարմիններ են, որոնք ունեն բյուրեղյա սովորական ամուր մարմինների վանդականման կառուցվածք, սակայն այս վանդակի հանգույցներում գտնվում են ոչ թե սովորական ատոմներ, այն նանոմասնիկներ, որոք բաղկացած են հարյուրավոր ատոմներից: Նման կառուցվածքի շնորհիվ համապատասխան երկարության լույսի ալիքները տարածվում են նրա ներսով, մինչդեռ այլ ֆոտոնները չեն կարող տարածվել ֆոտոնային բյուրեղում եւ այդ պատճառով էլ արտացոլվում են, նշում է gazeta.ru-ն:
Նոձակին եւ նրա գործընկերները ֆոտոնային բյուրեղն ստեղծել են ինդիումի եւ ներքին հատուկ կառուցվածք ունեցող ֆոսֆորի խառնուրդից: Նրա ներսում գտնվել է չորս տարրերի խառնուրդից բաղկացած խառնուրդի փոքրիկ մի հատված, որն էլ հանդիսացել է հիշողության բջիջը: Նրան շրջապատող բյուրեղը միաժամանակ կատարել է լուսատուի եւ սառեցման համակարգի, եւ տաքացմանը խոչընդոտող սարքի դեր:
Մեկնաբանություններ նյութին: 0