Նոր ուսումնական տարում Վրաստանում կսովորեն յոթ հայ ուսանողներ, նույնքան վրացի ուսանողներ էլ` Հայաստանում: «Արմենպրես»-ի հաղորդմամբ` փետրվարի 2-ին հայ եւ վրացի ուսանողների հետ հանդիպման ժամանակ Հայաստանում Վրաստանի դեսպան Գեորգի Տաբատաձեն շեշտեց, որ դա եւս կօգնի երկու երկրների միջեւ առկա հարաբերությունների զարգացմանը: «Գիտական կոնտակտները հիմք են երկու ժողուրդների քաղաքական հարաբերությունների զարգացման համար: Այն երիտասարդները, ովքեր կարող են լավ հարաբերություններ ստեղծել հիմա, հետագայում կարող են ակտիվ մասնակցություն ունենալ երկու երկրների միջեւ հարաբերությունների զարգացմանը»,- նշեց դեսպանը: Նա ուրախությամբ արձանագրեց, որ բացի բարձրագույն կրթական համագործակցությունից նմանատիպ ծրագրեր են իրականացվում նաեւ հանրակրթության ոլորտում: «Հայ դպրոցականները մասնակցել են Վրաստանում անցկացվող միջոցառումներին եւ ուրախալի է, որ այդ քայլերը սկսվում են փոքր հասակից»,- նշեց Գեորգի Տաբատաձեն:

 ԱՐՄԵՆՊՐԵՍ