Գյուղատնտեսական մթերքների արտահանման և ներմուծման լոգիստիկա

Ներկայումս տիրապետող է այն կարծիքը, որ ՀՀ արտաքին առևտրի հիմնական խոչընդոտը հաղորդակցության ուղիների շրջափակված լինելն է: Չժխտելով այս գործոնի բացասական ազդեցությունը, միաժամանակ պետք է ընդունել, որ ֆիզիկական ծավալով հնարավոր է առնվազն արտահանել այն քանակությամբ ապրանք, որքան ներմուծվում է: Մինչդեռ 2016-2018 թթ. միջին տվյալներով ՀՀ ներմուծումը ֆիզիկական ծավալով 5.2 և արժեքային արտահայտությամբ մոտ 3 անգամ գերազանցել է արտահանմանը: Միաժամանակ ներմուծված արտադրանքի 1 տոննայի միջին արժեքը կազմել է 1107, իսկ արտահանված արտադրանքինը՝ 1919.3 ԱՄՆ դոլար: