Առևտրային բանկերն առանձնահատուկ տեղ են զբաղեցնում երկրի բանկային համակարգում` հանդես գալով որպես ֆինանսական միջնորդ: Նրանք ներգրավում են ձեռնարկությունների, կազմակերպությունների և բնակչության ժամանակավորապես ազատ դրամական միջոցներն ու խնայողությունները և տրամադրում դրամական կապիտալի լրացուցիչ պահանջ ունեցող այլ ֆիզիկական և իրավաբանական անձանց` ժամանակավոր օգտագործման համար: Բանկերն այդպիսով իրականացնում են անհրաժեշտ ֆինանսատնտեսական գործառույթ` ապահովելով դրամական կապիտալի միջճյուղային և միջտարածաշրջանային, ինչպես նաև միջպետական և միջազգային վերաբաշխման մեխանիզմը:
